قصيدة في ذكرى ولادة الرسول الأكرم (ص)

نهني المنتظر ونكله مبروك
بذكر ميلاد جدة اليوم ميمون

سطع بدر النبوة وهلت أنوار
من نور الجلالة وشع على الكون

البهائم والصخر والطير حياك
وفرح بيك الشجر قبل لينطقون

يا خاتم رسل رب السماوات
باسمك الأنبياء جانو يبشرون

ولو مسهم عسر انته اليسر بيه
بشخصك يا شرف كلهم يلوذون

نوح ولولى ذكرك ما بحر لا
ولا سارت سفينة وجاء يغركون

وموسى بفضل فضلك ربك أنطاه
معجزة العصا ونطاه هارون

وحل عقدة لسانه بذيج الأيام
وهزم فرعون وبطل ما يسحرون

ونته الدركيت لبلعته الحوت
بعماق البحر من صاح ذنون

وصبر أيوب منك اخذ ذرات
وتعلم على الصبر صبر اليصبرون

محمد آية حجة وصورة أخلاق
انبعث قرآن ناطق لليفهمون

محمد جيل ثورة وثورة أجيال
على أقطاب الضلالة ونهج قارون

مفهوم العدل والهادي مصداق
ودرس علم العدل عد اليدرسون

عنوان الشرف يا منبع الجود
ويا جود الذي رادو يجودون

شسولف شرد أكولن بيك حيران
عشر عشر العشر كل اليمدحون

ما وصلو ألكنهك ابد هيهات
معرفتك عجز عد اليوصفون

بس الله بكتابة انطاك عنوان(أنك لعلى خلقاً عظيم)
ولهذ االسبب كامويحسدون

وكفى بالله شهيداً
وما تحتاج للناس اللي يشهدون

رغم هاي الصراحة ونص الكتاب
كالو شاعر وساحر ومجنون

ألاف الرسل قبلك أجو ليش
النبوة المصطفى كلهم يمهدون

وبالقرآن ربك قرر وكال
ما خلقة الجن والأنس ألا ليعبدون

ونته الواسطة ومطلوب الإقرار
نبوتك سلم ومنه يعرجون

أندبك يا محمد وقسم عليك
بكسر ضلع الزجية ودمع اليعيون

وترجاك بالكرار مولاي
ورض طف كربلاء وألبيها مدفون

نترجى الفرج ونته الفرج يا
رجانا ويا شفيع اللي يشفعون

بجاهك عند ربك يا نبي الخير
بتعجيل الفرج هل الناس يدعون

وعد يظهر الدين وحكم الإسلام
حتى ولو كرة المشركون

سيملى الأرض قسطاً وعدلاً
بسيف المنتظر يحكم القانون

يا أبو القاسم بفرحنا الحزن نصاف
ولبس ثوب المآسي الفرح محزون

ما عرفت ألفرحه شفايف الناس
ولو ظحكوا تهل أدموع العيون

على الهادي وعترتة بكثر الأشجار
وعدد قطر المطر أجر اليصلون

شكراً أختي